Waano arday

-

❇ Kallahada:

Dadaal Ardayahow dadaal,

Dalkaagii wacnaa iyo,
Dadkibaa ku sugayoo,
Inaad darajo gaartoo,
Naftaadana daryeeshoo,
Qarankaaga dahabka ah,
Door wayn ka qabataa,
Lagaa doonayaayoo,
Laguugu soo dadaalaye,
Bal dareen u ujeedada,
Ku shaqee damiirkana,

Ruux ku daahay soo jeed,
Inta badan dareen fudud,
Kama tooso derintee,
Shay darajo wayn iyo,
Camal diini mooyee,
Adoo door ahaan karo,
Waxan ahayn dantaadiyo,
Ha ku daahin madadaal,
Dhafar yay ku dabamarin,
Kallahada dantaada ah,

Daakiraadda subaxnimo,
Dagdag horay usoo bood,
Direeskaaga qaadoo,
Diritee hanaankoo,
Agabkaaga duuboo,
Dugsiyada u qalab xiro,

Daahdaah ma fiicnee,
Talaabada dafleeyoo,
Ha dambaynin waligaa,
Days lama ahaadee,


❇ Ka dhex muuqashada fasalka:

Damanaantu waa shay,
Daciifiyo shaqsiyadee,
Xilliyada duruustana,
Digtoonaan ku dheehnow,

Shaygaa dareentaa,
Inuu kaa daboolmoo,
Fahankiisu kaa dagin,
Barahaaga dahabka ah,
Daganaan u waydii,
Inuu kaa daweeyaa,

❇ Aqrinta casharrada & Ka shaqaynta layliyada:

Debinadii lasoo maray,
Darsiyadii laguu dhigay,
Dib u eegistoodiyo,
Aqriskooda daadihi,
Layligii laguu diro,
Waligaa ha daayicin,

❇ Dadaal guud:

Si kastood daflayntiyo,
Fahan diirran u lahayd,
Mar haduu dadaalkii,
Ka dambeeyay jiif badan,
Ducfi baa yimaadee,
Damiin yaanan lagu oran,

Wax waliba dulqaadkiyo,
Waqtigaa dallacayoo,
Dagdag laguma gaaree,
Durbadiba ha niya jabin,


❇Gabagabada waanada:

Labadaada daarood,
Daliil loo baxsado iyo,
Dayax nuurki weeyee,
Sharcigana ha daba marin,

Diin la'aan ma fiicnee,
Dadaalkii Rasuulkiyo,
Karti dahaba weeyee,
Sunnadana ha dabar goyn,

Danta waalidkaagiyo,
Naftaadaa ku duugane,
Dowdar lama ahaadee,
Taladana ha daayicin,

Darsi macalin qoray iyo,
Khibrad dabacsan weeyee,
Door sare ka gaaroo,
Ha dafirin aqoortana,

Abwaan jecel dantaadiyo,
Walaal kuu damqanayiyo,
Heersaraa diyaarshaye,
Ha ku deeqdo waanadu,

Ahmed Aden Dheel (Heersare)

Comments

Post a Comment

Popular posts from this blog

Gabay amaan Gabar | Abwaan Heersare Dheel (Axmed Heersare)

-
* Gabadhaan habeyn seexadkii, diiday sababkeeda, * Gabadhaan sadkii uga go'ee, siiyay fikirkaygi, * Gabadhaan saqdii dhexe cidlada, socod u guureeyay, , * Gabdhii jacayl saami badan, igu salaamaysay, * Ceeshkina ka soontee wadnuhu, si u garaacaayay, * Waa ina suldaan hooyadeed, laysku soo sigaye, * Sarajoogsigeediyo xibnaha, siman itaalkeeda, * Hablahay la socotaba indhuhu, kuma sifaadaane, * Siduu dayax xiddigo uga sitay, uga sarreysaaye, * Niqaabkaa ka soo daran markay, sare u qaaddaaye * Saanqaadka laafyaha markay, laydha soconayso, * Caraf baa ku saamayn udgoon, miski sidiisiiye, * Waxaa laygu saaqaa markaan, sahal u eegaaye, * Jiriricada saantana dhammaan, xaaddu way i socone * Mana suuxo laabtana cishqigu, waa i solayaaye, * Yaa siman la gaardiya markay, gacanta sayrayso, * Simaneey suleekhoy tufaax, miraha saytuunka, * Saarsaarka canabkee ubuxu, saaqay lagu moodye,  * Saxansaxada roobkee ka timid, sagal daruureedka, * Malab saafi iyo miid ah oo, so...
Sii aqri (Read more) »

Adaan sugin gaddoonkii - Faarax Xuseen Sharmaarke (gabay)

-
Gabaygaan waxaa tiriyay Abwaan Faarax Xuseen Sharmaarke AUN asaga oo u jawaabaya Guuleed Jucfe Samatar AUN kadib markii uu Guuleed tiriyay gabay uu ku maagay Dheel iyo qaar kamid ah walaalihiis ilma Sharmaarke Cilmi.  Waxa la sheegaa Guuleed inuu ahaa Abwaan kibiraani ah oo dadku ay ka baqi jireen maadaama qofkii si qurux badan u marxabayn waaya uu gabay ku maagi jiray. Guuleed ayaa amin galab ah usoo martiyay Dheel Sharmaarke oo gees ka deggan qoysas badan oo ilma Sharmaarke ah. Gogol ayaa loo dhigay. Goortii uu fadhiistay ayaa waxaa yimid qaylo sheegaysa in xoolihii reerka aysan gacan ku jirin oo lala'yahay meeshay jaan iyo cirib dhigeen ilaa saakay. Ma baadi bay u maqan yihiin ma la dhacay mise bahal baa galay oo waxay u qaybsameen wax la cunay iyo wax kala fiigay, lama yaqaanno.  Dheel si halhaleel ah ayuu u istaagay wuxuuna yiri Guuleed soo dhawoow ciddu waa ciddaadi dadna waa joogaan anigu xoolihii baan goobistooda u kici. Guuleed wuxu u arkay inuusan mudnayn in laga aad...
Sii aqri (Read more) »

Maanso Jacay ah (Faa'iso-Fiyoore)

-
Image
▪ Faa'isaay waxaa tahay,  ▪ Fariidadii hablood iyo, ▪ Fool ku qurux wanaag iyo,  ▪ Ubax iyo fiyooree,  ▪ Eegmadaada faraxa leh,  ▪ Ruuxii ku fiirshaba,  ▪ Qalbigaa u faaxoo,  ▪ Waa lagu fahmaystaa,  ▪ Ala maxaan fariidaay,  ▪ Intaan sheeko kuu furin, ▪ Bal inaanan fududaan, ▪ Qaabka wacan u fiirsado, ▪ Qalbigaygu ii faray, ▪ Oo dareenku igu fiday, ▪ Ala maxaan fariidaay,  ▪ La fikiray dartaayoo, ▪ Ka fogaaday ceeshkoo,  ▪ Sidi ruux la falanfalay,  ▪ Fiidkii wareegoo,  ▪ Barxadaha fariistoo, ▪ Maansooyin fara badan,  ▪ Farriin kuugu soo diray,  ▪ Ala maxaan fariidaay, ▪ Fiyaalaha magaaliyo, ▪ Faynuusta layrkiyo,  ▪ Ka fogaaday uunkoo,  ▪ Shimbiraha firxanayiyo,  ▪ Intaan Fiinta wehehshaday, ▪ Geedo hoos fariistoo,  ▪ Farahayga ciidaha, ▪ "Faa'iis" ku qorayoo,  ▪ Sida wehel u fiirsaday,  ▪ Ala maxaa fariidaay,  ▪ Wabiyada fataha iyo, ▪ Hirka ba...
Sii aqri (Read more) »