Jaamacadda Banaadir (gabay by Abwaan Axmed-Heersare)

-
* Gabay doora diiwaanka gala, dahab sidiisii ah
* Dood cilmi leh dariiq toosan iyo, dirito suugaan ah
* Daliil barax la' roob soo di'iyo, sidi daruurtii ah

* Maanso diirran waa duubi jiray, dalandalkaygiiye
* Dhaxalkii Darwiishkii Gedaa, igu duxaayaaye¹
* Dibnahayga goortaan furaa, laga dareemaaye

* Ragga, dumarka duubkiyo martida, madaxda daahaysa
* Duqaydiyo indheergarad waxaa, degelka soo buuxshay
* Da'yartiyo aqoon yahan waxaa, nagu dul heeraaran

* Dadweynaha kasoo qayb galee, wada dawaafaaya
* Bare'yaasha daadihinayiyo, maamullada doorran
* Waalid nagu dadaaliyo ardada, soo camiray deyrka

* Salaan debacsan sidi doogga baxa, caraf dabaysheed leh
* Dareemaha wadnaha iyo ka timid, laabta dacalkeeda
* Iga hooya waa daw sharciga, noogu daabacan'e

* Anoo geela daaqiisa jira, Gedo duleelkeeda
* Diirhare ku nool iyo Shaway, Daawo dhinaceeda
* Waatuu maanku ii diray inaan, yara dawaafaaye

* Dabadeed waxan imid halkaan, waana soo degay'e
* Aqoontana inaan daalacdoo, daanta sare gaaro
* Waa waxaan ku daabacay qalbiga, dayna karahayne

* Dugsiyada culuumtee ka jira, Xamar degaankeeda
* Dhamaantood dadaal bay wadaan, maaddi iyo diine
* Ha yeeshee duruus iyo is dheer, darajo meeqaame

* Midda aan ka doortee qalbigu, doonay kaligeeda
* Jaamacada loo doogsadee, kheyrka laga doono
* Dadoow waa Banaadir'e bal aan, idin dareensiiyo

* Diiwaanada waxaa looga qoray, darafka koowaad'e
* Dalkoo aynu joogniyo dhamaan, dunida guudkeeda
* Duul kastaa aqoonsaday hadeer, dalabyadeediiye

* Dambow lama hadlee waxad ku garan, daahirnimadeeda
* Dalkeenoo burburay bay jahliga, kala dagaaleene
* Dhiigoodaa u daatoo barbaa, duugta loo dhigaye

* Cadaawuhu halkii door ah buu, dooni oo xulane
* Hadaan dib ugu laabtoo in qura, idin dareensiiyo
* Dhagar qabuhu waatuu u diray, inay duqeeyaane

* Dufcadii la beegsaday markuu, qaraxu daanneeyay²
* Aqoon yahanno diirrani markay, dubatay baaruuddu
* Adba kaama daahnayn wixii, mayd la daabulay'e

* Shuhadadii ducaan Eebahay, uga dalbaayaaye
* Kuwii dilayna way heli waxay, soo dalbanayeene
* Rabbigii dulmiga reebay baan, cidi la doodayne

* Waxba gabaygu yuu ila durkine, waan dabrahayaaye,
* Daqiiqaduhu way igu yaraan, saan daninayaaye
* Aan tilmaanta daadihiyo wali, waan dul taagnahaye

* Duruustiyo tacliintay wadaan, daardar galiyaane
* Daacadnimo garsookiyo cadliga, way ku daranyiine
* Darsiyada aqoontoo dhan bay, noogu darayaane

* Injineerro daabaca cilmiga, duubay gabigiiba
* Oo dalkiyo usoo kacay dadkoo, noo hormarin doona
* Ayay sanad kastaa dirahayaan, darajo siiyaane

* Dariiqada asluubtiyo u dheer, diin ku dhaqankiiye
* Maamulkoodu waa dahab hadaan, la is dafirahayne
* Daabaqadda sare weeye iyo, hawlkar daaci ah'e

* Hadii aan amaantiyo daldalo, faallo diristayda
* Abaalkooda kuma duubi karo, deelka maansada'e
* Ducadaan usoo miisayaa, daan'in abidkay'e

* Rabbiyoow dadaal bay wadaan, diin u weyn tahaye
* Rabiyoow dadkeenay jahliga, kala dagaalaane,
* Dan-yartiina way caawiyaan, loo darnaan jiraye

* Rabbiyoow difaac oo ka dhowr, daallin cadowgooda
* Rabbiyoow daweeyoo cisee, labada-daaroodba
* Rabbiyoow dalkeenana ka yeel, doogsi barakaysan
              ☆ ☆ ☆

___________________
¹Darwiishkii Gedo (Sharmaarke Cilmi Xaryan oo ahaa amaanduule Darwiish ah oo kamid ahaa ciidamadii loo yaqaanay Furmacad ee u soo meeray gobolka Gedo waana abwaankii laga dhaxlay maahmaada ah "Gaboowgayga iyo Gedaa kulmay" oo macnaheedu yahay waxaan jeclaan lahaa inaan imaado anoo sidaan ka da'yar maadaama ay Gedo ahayd meel nabad iyo barwaaqosooran isku darsatay. 
²Arday ka qalinjabisay Jaamacada Banaadir ayaa qarax is miidaamis ah lagula beegsaday Hotel Shaamoow. 
* Gabayga waxaa abwaanka ka dalbaday Cabdiwaaxid Maxamed Jaamac oo ay abtir ahaan wiil iyo adeeki yihiin kuna kulmaan Sharmaarke Cilmi oo awoow labaad iyo saddexaad u kala ah iyaga. Cabdiwaaxid waa arday dhigta Jaamacada Banaadir iminka aynu joogno wuxuuna gabaygan ka tirin doonaa mid kamida xafladaha Jaamacada haduu Eebe idmo

Curiye: © Abwaan Axmed'Heersare 31 January 2023 12:00pm

Comments

Post a Comment

Popular posts from this blog

Gabay amaan Gabar | Abwaan Heersare Dheel (Axmed Heersare)

-
* Gabadhaan habeyn seexadkii, diiday sababkeeda, * Gabadhaan sadkii uga go'ee, siiyay fikirkaygi, * Gabadhaan saqdii dhexe cidlada, socod u guureeyay, , * Gabdhii jacayl saami badan, igu salaamaysay, * Ceeshkina ka soontee wadnuhu, si u garaacaayay, * Waa ina suldaan hooyadeed, laysku soo sigaye, * Sarajoogsigeediyo xibnaha, siman itaalkeeda, * Hablahay la socotaba indhuhu, kuma sifaadaane, * Siduu dayax xiddigo uga sitay, uga sarreysaaye, * Niqaabkaa ka soo daran markay, sare u qaaddaaye * Saanqaadka laafyaha markay, laydha soconayso, * Caraf baa ku saamayn udgoon, miski sidiisiiye, * Waxaa laygu saaqaa markaan, sahal u eegaaye, * Jiriricada saantana dhammaan, xaaddu way i socone * Mana suuxo laabtana cishqigu, waa i solayaaye, * Yaa siman la gaardiya markay, gacanta sayrayso, * Simaneey suleekhoy tufaax, miraha saytuunka, * Saarsaarka canabkee ubuxu, saaqay lagu moodye,  * Saxansaxada roobkee ka timid, sagal daruureedka, * Malab saafi iyo miid ah oo, so...
Sii aqri (Read more) »

Adaan sugin gaddoonkii - Faarax Xuseen Sharmaarke (gabay)

-
Gabaygaan waxaa tiriyay Abwaan Faarax Xuseen Sharmaarke AUN asaga oo u jawaabaya Guuleed Jucfe Samatar AUN kadib markii uu Guuleed tiriyay gabay uu ku maagay Dheel iyo qaar kamid ah walaalihiis ilma Sharmaarke Cilmi.  Waxa la sheegaa Guuleed inuu ahaa Abwaan kibiraani ah oo dadku ay ka baqi jireen maadaama qofkii si qurux badan u marxabayn waaya uu gabay ku maagi jiray. Guuleed ayaa amin galab ah usoo martiyay Dheel Sharmaarke oo gees ka deggan qoysas badan oo ilma Sharmaarke ah. Gogol ayaa loo dhigay. Goortii uu fadhiistay ayaa waxaa yimid qaylo sheegaysa in xoolihii reerka aysan gacan ku jirin oo lala'yahay meeshay jaan iyo cirib dhigeen ilaa saakay. Ma baadi bay u maqan yihiin ma la dhacay mise bahal baa galay oo waxay u qaybsameen wax la cunay iyo wax kala fiigay, lama yaqaanno.  Dheel si halhaleel ah ayuu u istaagay wuxuuna yiri Guuleed soo dhawoow ciddu waa ciddaadi dadna waa joogaan anigu xoolihii baan goobistooda u kici. Guuleed wuxu u arkay inuusan mudnayn in laga aad...
Sii aqri (Read more) »

Maanso Jacay ah (Faa'iso-Fiyoore)

-
Image
▪ Faa'isaay waxaa tahay,  ▪ Fariidadii hablood iyo, ▪ Fool ku qurux wanaag iyo,  ▪ Ubax iyo fiyooree,  ▪ Eegmadaada faraxa leh,  ▪ Ruuxii ku fiirshaba,  ▪ Qalbigaa u faaxoo,  ▪ Waa lagu fahmaystaa,  ▪ Ala maxaan fariidaay,  ▪ Intaan sheeko kuu furin, ▪ Bal inaanan fududaan, ▪ Qaabka wacan u fiirsado, ▪ Qalbigaygu ii faray, ▪ Oo dareenku igu fiday, ▪ Ala maxaan fariidaay,  ▪ La fikiray dartaayoo, ▪ Ka fogaaday ceeshkoo,  ▪ Sidi ruux la falanfalay,  ▪ Fiidkii wareegoo,  ▪ Barxadaha fariistoo, ▪ Maansooyin fara badan,  ▪ Farriin kuugu soo diray,  ▪ Ala maxaan fariidaay, ▪ Fiyaalaha magaaliyo, ▪ Faynuusta layrkiyo,  ▪ Ka fogaaday uunkoo,  ▪ Shimbiraha firxanayiyo,  ▪ Intaan Fiinta wehehshaday, ▪ Geedo hoos fariistoo,  ▪ Farahayga ciidaha, ▪ "Faa'iis" ku qorayoo,  ▪ Sida wehel u fiirsaday,  ▪ Ala maxaa fariidaay,  ▪ Wabiyada fataha iyo, ▪ Hirka ba...
Sii aqri (Read more) »