Ismaaciil Dhifli

-

Gabaygaan waxaan u tiriyay wadaad xeroow ah oo inta teleefoon igu soo wacay aayado qur'aan ah iyo axaadiis ku bilowday hadalkiisa isagoo u cuskanayo in uu aniga igu caayo isla markaana mowdicoodii ka leexiyay.

Wuxuu ahaa nin jecel in uu cambaareeyo cidii aan dhariiqo diimeedkiisa taabacsanayn sidoo kalena cod kasoo duubo si qayaano ah iyaga oo aan diyaarsanayn intuu wicitaan ku weeraro.

Ma ahayn markii ugu horeysay, ee hortay dadka uu sidaa ugu xadgudbay waxaa kamid ahaa adeerkiisa oo uu si xun u qayaanay codkiisana ka duubay ogolaansho la'aan. Wuxuuna kalsooni iyo amaan uga helay arintaas xertiisa ay isku dariiqada ahaayeen.

Waxaa cajiib ah in gaalada intooda badan xitaa ay ka xishoodaan in fasax la'aan qof la duubto maqalkiisa ama muuqaalkiisa oo waa ay ka codsadaan inta aysan ka duubanin.
Hadaba qof muslim ah soo ceeb wayn kuma aha qiyaanada noocan oo kale ah, misane culumonimo sheeganayo!

Hadaladuu iila yimid ee an kafiirsiga lahayn waxaa kamid ahaa in uu igu soo eedeeyay in aan culumo caayay cajaladana ku duubay Risaalo an qorayna wuxuu sheegay in aan cay ku qoray.

Waxaan hadalka ugu soo gaabshay in uu soo cadeeyo meesha an wax ku caayay si fool ka fool ahna uu ii hor yimaado mase dhicin oo awalba cod inuu iga duubto unbuu rabay sidaan ku tuhmayay wayna u ekoonaatay oo halkii ayuu ku burburay barnaamijkiisii.

Aniga oo arrinkaa ku cabbirayo merrisyo gabay ah ayaan iri:

⭐ Dhifliyoow hadaad caalim tahay, ku caqliyay looxa,
⭐ Aayadaha laguma caytamoo, caaqab waw halise,
⭐ Cadamada Ilaah bay tusiyo, camallo dheeraade, 
⭐ Naseexadu cambaarayn miyaa, waan cajabayaaye,

⭐ Culimada ma caayiyo ninkii, caynka ii dhigaye,
⭐ Casuumaad ayay mudan yihiin, laga cukeeyaaye,
⭐ Caasinimadu waa shay cindiga, cudur u keenaaye,
⭐ Cilladiisa waa laga gartaa, ruux ku caan baxaye,
⭐ Amuuraha maxaa loo cagsiyay, waan cajabayaaye,

⭐ Qof waliba codkiisa isagaa, loo cismanayaaye,
⭐ Gaaladuba inay ceeb la tahay, way codsanayaane,
⭐ Islaamkuna cambaar buu ku dhigay, cafis la'aantiiye,
⭐ Nin adeerki caayoo ka xaday, caynki hadalkiisa,
⭐ Oo ciyaalka loo daarayoo, lagu cawaynaayo,
⭐ Sidee ii canaantaa aniga, waan cajabayaaye,

⭐ Sheekh Casaakir Ibnu CabdilBar iyo, Cusmaanu Saabuuni,
⭐ Cabdulqaadir Casqalaani iyo, callaamyadii diinta,
⭐ Naqligooda caanka ah anoo, wada cadaynaayo,
⭐ Caqliyaad Jahmeed lama rabee, soo cuskaday diinka,
⭐ Oo sifaadka cayntiyo yadiyo, culuwigii sheegay,
⭐ Caadil Eebe waynana nasahay, Caziizka deeqtoone,
⭐ Ruux aan cadliba doonahayn, casabo mooyaane,
⭐ Sidee ii cileeyaa aniga, waan cajabayaaye,

By: Ahmed Aden Dheel (Heersare)

Comments

Post a Comment

Popular posts from this blog

Gabay amaan Gabar | Abwaan Heersare Dheel (Axmed Heersare)

-
* Gabadhaan habeyn seexadkii, diiday sababkeeda, * Gabadhaan sadkii uga go'ee, siiyay fikirkaygi, * Gabadhaan saqdii dhexe cidlada, socod u guureeyay, , * Gabdhii jacayl saami badan, igu salaamaysay, * Ceeshkina ka soontee wadnuhu, si u garaacaayay, * Waa ina suldaan hooyadeed, laysku soo sigaye, * Sarajoogsigeediyo xibnaha, siman itaalkeeda, * Hablahay la socotaba indhuhu, kuma sifaadaane, * Siduu dayax xiddigo uga sitay, uga sarreysaaye, * Niqaabkaa ka soo daran markay, sare u qaaddaaye * Saanqaadka laafyaha markay, laydha soconayso, * Caraf baa ku saamayn udgoon, miski sidiisiiye, * Waxaa laygu saaqaa markaan, sahal u eegaaye, * Jiriricada saantana dhammaan, xaaddu way i socone * Mana suuxo laabtana cishqigu, waa i solayaaye, * Yaa siman la gaardiya markay, gacanta sayrayso, * Simaneey suleekhoy tufaax, miraha saytuunka, * Saarsaarka canabkee ubuxu, saaqay lagu moodye,  * Saxansaxada roobkee ka timid, sagal daruureedka, * Malab saafi iyo miid ah oo, so...
Sii aqri (Read more) »

Adaan sugin gaddoonkii - Faarax Xuseen Sharmaarke (gabay)

-
Gabaygaan waxaa tiriyay Abwaan Faarax Xuseen Sharmaarke AUN asaga oo u jawaabaya Guuleed Jucfe Samatar AUN kadib markii uu Guuleed tiriyay gabay uu ku maagay Dheel iyo qaar kamid ah walaalihiis ilma Sharmaarke Cilmi.  Waxa la sheegaa Guuleed inuu ahaa Abwaan kibiraani ah oo dadku ay ka baqi jireen maadaama qofkii si qurux badan u marxabayn waaya uu gabay ku maagi jiray. Guuleed ayaa amin galab ah usoo martiyay Dheel Sharmaarke oo gees ka deggan qoysas badan oo ilma Sharmaarke ah. Gogol ayaa loo dhigay. Goortii uu fadhiistay ayaa waxaa yimid qaylo sheegaysa in xoolihii reerka aysan gacan ku jirin oo lala'yahay meeshay jaan iyo cirib dhigeen ilaa saakay. Ma baadi bay u maqan yihiin ma la dhacay mise bahal baa galay oo waxay u qaybsameen wax la cunay iyo wax kala fiigay, lama yaqaanno.  Dheel si halhaleel ah ayuu u istaagay wuxuuna yiri Guuleed soo dhawoow ciddu waa ciddaadi dadna waa joogaan anigu xoolihii baan goobistooda u kici. Guuleed wuxu u arkay inuusan mudnayn in laga aad...
Sii aqri (Read more) »

Maanso Jacay ah (Faa'iso-Fiyoore)

-
Image
▪ Faa'isaay waxaa tahay,  ▪ Fariidadii hablood iyo, ▪ Fool ku qurux wanaag iyo,  ▪ Ubax iyo fiyooree,  ▪ Eegmadaada faraxa leh,  ▪ Ruuxii ku fiirshaba,  ▪ Qalbigaa u faaxoo,  ▪ Waa lagu fahmaystaa,  ▪ Ala maxaan fariidaay,  ▪ Intaan sheeko kuu furin, ▪ Bal inaanan fududaan, ▪ Qaabka wacan u fiirsado, ▪ Qalbigaygu ii faray, ▪ Oo dareenku igu fiday, ▪ Ala maxaan fariidaay,  ▪ La fikiray dartaayoo, ▪ Ka fogaaday ceeshkoo,  ▪ Sidi ruux la falanfalay,  ▪ Fiidkii wareegoo,  ▪ Barxadaha fariistoo, ▪ Maansooyin fara badan,  ▪ Farriin kuugu soo diray,  ▪ Ala maxaan fariidaay, ▪ Fiyaalaha magaaliyo, ▪ Faynuusta layrkiyo,  ▪ Ka fogaaday uunkoo,  ▪ Shimbiraha firxanayiyo,  ▪ Intaan Fiinta wehehshaday, ▪ Geedo hoos fariistoo,  ▪ Farahayga ciidaha, ▪ "Faa'iis" ku qorayoo,  ▪ Sida wehel u fiirsaday,  ▪ Ala maxaa fariidaay,  ▪ Wabiyada fataha iyo, ▪ Hirka ba...
Sii aqri (Read more) »