Dardaaran

-

          *DARDAARAN*

⭐ Dabin aakhir weeyoo,
⭐ Dunidii wareertoo,
⭐ Dulmigii siyaadyoo,
⭐ Waxaa laysku dilayaa,
⭐ Dariiqayga soo raac,

⭐ Hadaa tahay qof daacada,
⭐ Dano gaara aan wadan,
⭐ Jecel diinta Eebahay,
⭐ Xusbiyana difaacayn,
⭐ Waan kuu dardaarmiye,
⭐ Bal ku diirso waanada,

⭐ Xaqa waa la doonaa,
⭐ Diinta waa la dhowraa,
⭐ Dariiqii Rasuulkana,
⭐ Aad baa loo daneeyaa,

⭐ Daa'imkii na uumaa,
⭐ Dige nooga yeeloo,
⭐ Sharaf buu lasoo diray,

⭐ Wuxuu daaya leeyahay,
⭐ Ama nooga digayana,
⭐ Daliilkii Qur'aankiyo,
⭐ Waxyigii kusoo dagay,
⭐ Ayuu nooga daalacay,

⭐ Wax kaloo la doonoo,
⭐ Daliil dhaba an loo hayn,
⭐ Shaki iyo dunuub iyo,
⭐ Dood kama dhamaadaan...

⭐ Diinteennu nagu filan,
⭐ Daa'im baana kaamilay,
⭐ Wixii soo darriyo iyo,
⭐ Bidacduna ka digid mudan,

⭐ Waajibkii laguu diray,
⭐ Sunnadii la daba dhigay,
⭐ Adigoo dayacayoo,
⭐ Dadaalkoodi gaasiray,
⭐ Sidee baad ku dalabtaa,
⭐ Daraja aan lasoo warin,
⭐ Bidcadana ku doontaa,

⭐ Rasuulkaaba diidoo,
⭐ Digniin wayn ka bixiyoo,
⭐ Dalaal iyo cadaab iyo,
⭐ Dullinimo ku sheegee...

⭐ Diinteennu nagu filan,
⭐ Daa'im baana kaamilay,
⭐ Wixii soo darriyo iyo,
⭐ Bidacduna ka digid mudan,

⭐ Yaan laguu dardaar warin,
⭐ Adigoo nin daacada,
⭐ Daalim baa tah lagu oran,

⭐ Diinteenu waa sanad,
⭐ Haday dood timaadana,
⭐ Saxiix baa daruuri ah,

⭐ Yaan laguu durbaan tumin,
⭐ Dastuur qolo u yaaliyo,
⭐ Dariiq sunnadi baal maray,
⭐ Yaan dahab laguu marin...

⭐ Diinteennu nagu filan,
⭐ Daa'im baana kaamilay,
⭐ Wixii soo darriyo iyo,
⭐ Bidacduna ka digid mudan,

⭐ Hadaa diido shaygaan,
⭐ Diinteenna wacan iyo,
⭐ Laga duubin Salafkii,
⭐ Dambi maadan galinoo,
⭐ Faral maadan duudsiyin...

⭐ Diinteennu nagu filan,
⭐ Daa'im baana kaamilay,
⭐ Wixii soo darriyo iyo,
⭐ Bidacduna ka digid mudan,

⭐ Ku dadaal wanaagiyo,
⭐ Faralkii laguu diray,
⭐ Sunadana ha daayicin,
⭐ Dadka khayrka kula dhaqan,
⭐ Dabcigii Rasuulkiyo, (scw),
⭐ Dulqaadkana xusuusnow...

⭐ Diinteennu nagu filan,
⭐ Daa'im baana kaamilay,
⭐ Wixii soo darriyo iyo,
⭐ Bidacduna ka digid mudan,

(share) Fadlan u sii dir intaad awoodo walaalaha Muslimiinta ah.
Mahadsanid.
                        {©Ahmed.Dheel}

Comments

Post a Comment

Popular posts from this blog

Gabay amaan Gabar | Abwaan Heersare Dheel (Axmed Heersare)

-
* Gabadhaan habeyn seexadkii, diiday sababkeeda, * Gabadhaan sadkii uga go'ee, siiyay fikirkaygi, * Gabadhaan saqdii dhexe cidlada, socod u guureeyay, , * Gabdhii jacayl saami badan, igu salaamaysay, * Ceeshkina ka soontee wadnuhu, si u garaacaayay, * Waa ina suldaan hooyadeed, laysku soo sigaye, * Sarajoogsigeediyo xibnaha, siman itaalkeeda, * Hablahay la socotaba indhuhu, kuma sifaadaane, * Siduu dayax xiddigo uga sitay, uga sarreysaaye, * Niqaabkaa ka soo daran markay, sare u qaaddaaye * Saanqaadka laafyaha markay, laydha soconayso, * Caraf baa ku saamayn udgoon, miski sidiisiiye, * Waxaa laygu saaqaa markaan, sahal u eegaaye, * Jiriricada saantana dhammaan, xaaddu way i socone * Mana suuxo laabtana cishqigu, waa i solayaaye, * Yaa siman la gaardiya markay, gacanta sayrayso, * Simaneey suleekhoy tufaax, miraha saytuunka, * Saarsaarka canabkee ubuxu, saaqay lagu moodye,  * Saxansaxada roobkee ka timid, sagal daruureedka, * Malab saafi iyo miid ah oo, so...
Sii aqri (Read more) »

Adaan sugin gaddoonkii - Faarax Xuseen Sharmaarke (gabay)

-
Gabaygaan waxaa tiriyay Abwaan Faarax Xuseen Sharmaarke AUN asaga oo u jawaabaya Guuleed Jucfe Samatar AUN kadib markii uu Guuleed tiriyay gabay uu ku maagay Dheel iyo qaar kamid ah walaalihiis ilma Sharmaarke Cilmi.  Waxa la sheegaa Guuleed inuu ahaa Abwaan kibiraani ah oo dadku ay ka baqi jireen maadaama qofkii si qurux badan u marxabayn waaya uu gabay ku maagi jiray. Guuleed ayaa amin galab ah usoo martiyay Dheel Sharmaarke oo gees ka deggan qoysas badan oo ilma Sharmaarke ah. Gogol ayaa loo dhigay. Goortii uu fadhiistay ayaa waxaa yimid qaylo sheegaysa in xoolihii reerka aysan gacan ku jirin oo lala'yahay meeshay jaan iyo cirib dhigeen ilaa saakay. Ma baadi bay u maqan yihiin ma la dhacay mise bahal baa galay oo waxay u qaybsameen wax la cunay iyo wax kala fiigay, lama yaqaanno.  Dheel si halhaleel ah ayuu u istaagay wuxuuna yiri Guuleed soo dhawoow ciddu waa ciddaadi dadna waa joogaan anigu xoolihii baan goobistooda u kici. Guuleed wuxu u arkay inuusan mudnayn in laga aad...
Sii aqri (Read more) »

Maanso Jacay ah (Faa'iso-Fiyoore)

-
Image
▪ Faa'isaay waxaa tahay,  ▪ Fariidadii hablood iyo, ▪ Fool ku qurux wanaag iyo,  ▪ Ubax iyo fiyooree,  ▪ Eegmadaada faraxa leh,  ▪ Ruuxii ku fiirshaba,  ▪ Qalbigaa u faaxoo,  ▪ Waa lagu fahmaystaa,  ▪ Ala maxaan fariidaay,  ▪ Intaan sheeko kuu furin, ▪ Bal inaanan fududaan, ▪ Qaabka wacan u fiirsado, ▪ Qalbigaygu ii faray, ▪ Oo dareenku igu fiday, ▪ Ala maxaan fariidaay,  ▪ La fikiray dartaayoo, ▪ Ka fogaaday ceeshkoo,  ▪ Sidi ruux la falanfalay,  ▪ Fiidkii wareegoo,  ▪ Barxadaha fariistoo, ▪ Maansooyin fara badan,  ▪ Farriin kuugu soo diray,  ▪ Ala maxaan fariidaay, ▪ Fiyaalaha magaaliyo, ▪ Faynuusta layrkiyo,  ▪ Ka fogaaday uunkoo,  ▪ Shimbiraha firxanayiyo,  ▪ Intaan Fiinta wehehshaday, ▪ Geedo hoos fariistoo,  ▪ Farahayga ciidaha, ▪ "Faa'iis" ku qorayoo,  ▪ Sida wehel u fiirsaday,  ▪ Ala maxaa fariidaay,  ▪ Wabiyada fataha iyo, ▪ Hirka ba...
Sii aqri (Read more) »