Sifaadka Eebe weyne S.W.T

-

🌠 Samadaan inoo muuqatee, nalagu saanqaafay,

🌠 Haduu oonku nagu saaqo roob, nalaka siinaayo,

🌠 Ee la suray siraajkiyo dayaxa, xidigahaa suuban,

🌠 Arladaan sariirta ah hadana, sina an diidaynin,

🌠 Beerahaan jannada lagu sugana, lagu samaynaayo,

🌠 Ee lagu socdee lagu sukuno, saraha baacdheer le,

🌠 Ilaahii na siiyee nafaha, simay dhamaantooda,

🌠 Shay walbana sameeyee mar qura, soo xashrini doono,

🌠 Samad weeye Rabigeenu waa, Sayidka deeqtoone,

🌠 Si kastoo awood lagu sidkoo, lagu dul seeteeyo,

🌠 Ama xeelad sare loo maroo, lagu siyaaseeyo,

🌠 Socon mayso hawshii gaftaa, wayne suu dhigaye,

🌠 Amuuruhu siduu doonayay, sahal ahaadaane,

🌠 Samad weeye Rabigeenu waa, Sayidka deeqtoone,

🌠 Maqalkiisu waa saafi aan, jabaqi seegayne,

🌠 Quraanjada saqdii dhexe mugdiga, sallaxa luudayso,

🌠 Saamaheeda Axadkii maqlee, siiyay hadafkeeda,

🌠 Samad weeye Rabigeenu waa, Sayidka deeqtoone,

🌠 Carshiguu ka saramaray Raxmaan, iyo samaawaade,

🌠 Aayadaha sabcay gaarayaan, saa u dhigayaaye,

🌠 Safirkooda ugu mudan "Calaa", lagu saxiix yeelye,

🌠 Waa siduu Bukhaarigu ka sugay, salafki toosnaaye,

🌠 Anna kama siyaadsheen haday, sidee yiraahaane,

🌠 Saxaabadi Rasuulkaba aqbale, mana su'aalayne,

🌠 Sidiisay ku qaadanahayeen, saadir khabarkiiye,

🌠 Samad weeye Rabigeenu waa, Sayidka deeqtoone,

🌠 Si walbeen ku suganniyo wixii, galay suduurkeena,

🌠 Sirtayada midkii naga og iyo, waxan sarbeebayno,

🌠 Samad weeye Rabigeenu waa, Sayidka deeqtoone,

🌠 Subuxaadka wajigiisu suu, sugay Xabiibkeenu,

🌠 Xujub nuurka saafiya hadaan, laga sokaysiinin,

🌠 Makhluuqoo dhan buu soli lahaa, saacad mirirkeede,

🌠 Sadrigaadu yuu kuu sawirin, siiro iyo beene,

🌠 Haw samaynin qaab iyo waxaan, suura galahaynin,

🌠 Suubanaha warkiisana ha rogin, saana ku hogaansan,

🌠 Samad weeye Rabigeenu waa, Sayidka deeqtoone,

🌠 Sifaadkii nuzuulkiyo yadiyo, kuwa kaloo suuban,

🌠 Makhluuqana an lagu soo simayn, waa la sugayaaye,

🌠 Sarfin mayno kitaabkiyo sunnada, subanow Nabiye,

🌠 Inti laga saxiixyeelay waan, samac adeecnaaye,

🌠 Samad weeye Rabigeenu waa, Sayidka deeqtoone,

🌠 Waddan iyo Suwaac iyo kuwii, saalixyada tuugay,

🌠 Sanamyada kuwii magan galee, sawirrada haystay,

🌠 Ee sarfiyay cibaadadi Ilaah, seege furihiiye,

🌠 Saciq iyo asoo galin karaa, suuxdin iyo geeri,

🌠 Ayuu sixadi iyo dheefsigii, qaar u saamaxaye,

🌠 Sabuur weeye deeqsiya hadana, meel ku sugayaaye,

🌠 Samad weeye Rabigeenu waa, Sayidka deeqtoone,

🌠 Towxiidkiyo salaadiyo sakada, xajka iyo soonka,

🌠 Faralkiyo Sunada labada daar, lagu sacaadaayo,

🌠 Rabiyoow inoo sahal adaa, lagu su'aashaaye,
...*some text missing*

By: Ahmed Aden Dheel

Comments

Post a Comment

Popular posts from this blog

Gabay amaan Gabar | Abwaan Heersare Dheel (Axmed Heersare)

-
* Gabadhaan habeyn seexadkii, diiday sababkeeda, * Gabadhaan sadkii uga go'ee, siiyay fikirkaygi, * Gabadhaan saqdii dhexe cidlada, socod u guureeyay, , * Gabdhii jacayl saami badan, igu salaamaysay, * Ceeshkina ka soontee wadnuhu, si u garaacaayay, * Waa ina suldaan hooyadeed, laysku soo sigaye, * Sarajoogsigeediyo xibnaha, siman itaalkeeda, * Hablahay la socotaba indhuhu, kuma sifaadaane, * Siduu dayax xiddigo uga sitay, uga sarreysaaye, * Niqaabkaa ka soo daran markay, sare u qaaddaaye * Saanqaadka laafyaha markay, laydha soconayso, * Caraf baa ku saamayn udgoon, miski sidiisiiye, * Waxaa laygu saaqaa markaan, sahal u eegaaye, * Jiriricada saantana dhammaan, xaaddu way i socone * Mana suuxo laabtana cishqigu, waa i solayaaye, * Yaa siman la gaardiya markay, gacanta sayrayso, * Simaneey suleekhoy tufaax, miraha saytuunka, * Saarsaarka canabkee ubuxu, saaqay lagu moodye,  * Saxansaxada roobkee ka timid, sagal daruureedka, * Malab saafi iyo miid ah oo, so...
Sii aqri (Read more) »

Adaan sugin gaddoonkii - Faarax Xuseen Sharmaarke (gabay)

-
Gabaygaan waxaa tiriyay Abwaan Faarax Xuseen Sharmaarke AUN asaga oo u jawaabaya Guuleed Jucfe Samatar AUN kadib markii uu Guuleed tiriyay gabay uu ku maagay Dheel iyo qaar kamid ah walaalihiis ilma Sharmaarke Cilmi.  Waxa la sheegaa Guuleed inuu ahaa Abwaan kibiraani ah oo dadku ay ka baqi jireen maadaama qofkii si qurux badan u marxabayn waaya uu gabay ku maagi jiray. Guuleed ayaa amin galab ah usoo martiyay Dheel Sharmaarke oo gees ka deggan qoysas badan oo ilma Sharmaarke ah. Gogol ayaa loo dhigay. Goortii uu fadhiistay ayaa waxaa yimid qaylo sheegaysa in xoolihii reerka aysan gacan ku jirin oo lala'yahay meeshay jaan iyo cirib dhigeen ilaa saakay. Ma baadi bay u maqan yihiin ma la dhacay mise bahal baa galay oo waxay u qaybsameen wax la cunay iyo wax kala fiigay, lama yaqaanno.  Dheel si halhaleel ah ayuu u istaagay wuxuuna yiri Guuleed soo dhawoow ciddu waa ciddaadi dadna waa joogaan anigu xoolihii baan goobistooda u kici. Guuleed wuxu u arkay inuusan mudnayn in laga aad...
Sii aqri (Read more) »

Maanso Jacay ah (Faa'iso-Fiyoore)

-
Image
▪ Faa'isaay waxaa tahay,  ▪ Fariidadii hablood iyo, ▪ Fool ku qurux wanaag iyo,  ▪ Ubax iyo fiyooree,  ▪ Eegmadaada faraxa leh,  ▪ Ruuxii ku fiirshaba,  ▪ Qalbigaa u faaxoo,  ▪ Waa lagu fahmaystaa,  ▪ Ala maxaan fariidaay,  ▪ Intaan sheeko kuu furin, ▪ Bal inaanan fududaan, ▪ Qaabka wacan u fiirsado, ▪ Qalbigaygu ii faray, ▪ Oo dareenku igu fiday, ▪ Ala maxaan fariidaay,  ▪ La fikiray dartaayoo, ▪ Ka fogaaday ceeshkoo,  ▪ Sidi ruux la falanfalay,  ▪ Fiidkii wareegoo,  ▪ Barxadaha fariistoo, ▪ Maansooyin fara badan,  ▪ Farriin kuugu soo diray,  ▪ Ala maxaan fariidaay, ▪ Fiyaalaha magaaliyo, ▪ Faynuusta layrkiyo,  ▪ Ka fogaaday uunkoo,  ▪ Shimbiraha firxanayiyo,  ▪ Intaan Fiinta wehehshaday, ▪ Geedo hoos fariistoo,  ▪ Farahayga ciidaha, ▪ "Faa'iis" ku qorayoo,  ▪ Sida wehel u fiirsaday,  ▪ Ala maxaa fariidaay,  ▪ Wabiyada fataha iyo, ▪ Hirka ba...
Sii aqri (Read more) »