Jeey Afdhuko (by Ahmed Dheel)

-

* Wawga gabayga wegenkii fardaha, orodka waalaayo,
* Niyugleerka kaaraha is waro, waramo duulaayo,
* Tolka weerar kuma waabsadee, waan u wariyaaye,
* Anigoon is waalaynin baan, waano galiyaaye,

* Waxtarka iyo garasha dadnimo, ehel wanaagayga,
* Wacdigiyo waciidkii Rabigay, wadar adeecayga,
* Waa nicmada Ilaah igu waxdoo, waa ku mahadshaaye,

* Qaar buu widaaygoodu yahay, koox dan wadataaye,
* Nin wareersanoon rabin daliil, waligi mooyaane,
* Muslimiintu waa ii walaal, wacad Ilaaheeye,

* Xaajada wareertiyo hadaan, galayo waanwaanta,
* Uma eexdo kaan waa bartiyo, wiilka hooyadaye,
* Ikhlaas baa ku wacan shay waliba, waan ogsoonahaye,

* Jahligaa wareer badan hadaad, waysar garanayne,
* Waddadii Rasuulkiyo cilmiga, warathadii diinta,
* Waadiyada aqoontaan maqaam, wayn ku leeyahaye,
* Qur'aankiyo Xadiistaan wadaa, layrka waasacaye,

* Tejnikoolkaa waayahan u badan, maaddi wararkiiye,
* Waayga Faayga weerrada softiga, haadhka laga waabto,
* Waanka Maanka iyo Waalankaan, wada aqaanaaye,
* Cilladii wareer dhaliso soow, la'ima waydiiyo,

* Dadka qaar ninkii weheshadoo, daaro wacan geeyo,
* Mimbarkuu ku wayneeyay bay, kala wareegaane,
* Wanaag baan la doonaa qofkii, jeer wax ii galaye,

* Nasabkiyo kolay tahay waxqabad, dhaqan wadaagooda,
* Dadka qaar waxaa lagu xantaa, waahinimadoode,
* Dayax caadka laga weeciyiyo, waadix baan ahaye,

* Waaxid baan jeclayn faanka badan, iyo is waynayne,
* Walad kugu qaldoomoon ogayn, sharaf wanaagaaga,
* Waa la is baraa ruux inkiray, waaxda aad tahaye,

* Gamaantuu tolkaa kugu waxaday, woodna kugu siiyay,
* Iyaduna an kaa wayraxayn, wadis hogaankaaga,
* Wiil la dhalay haduu kaa xasdoo, jaraha waydaarsho,
* Misna uu waraabaha u dago, soo wacdaro maaha,

* Adoo furunta weerarahayoo, guusha wadi maagay,
* Wehelkaaga khaaska ah haduu, waranka kuu taago,
* Oo dhabarka kaa wiiqo soo, een wacdara maaha,

* Intaa waa tusaalooyin iyo, ararti waayeele,
* Wax waliba maqsuus baa ku wacan, laga waraabshaaye,
* Waa inaan cadaynaa guntiyo, weedha hadafkeene,

* Waligay xumaan kama war gurin, waana mahadshaaye,
* Walaalkay dhalyoow Jeey markuu, talada waydaartay,
* Wax xusuusi anigoo leh baa, wawga lay furaye,

* Inuu waansamaan sii jeclaa, waayihii horaye,
* Markaan waayay garashadi wacnayd, een warjirinaayay,
* Tabti nala wacnaataan marniyo, Wayne suu qoraye,

* Aduun waa wareegtee haduu, garab i waydiito,
* Waajibkayga waan gudan aqaan, waafinimadiiye,
* Wansiix kama waraabsheen fireesh, aniga oon waayin,

* Waxba uma qaboo waan hubaa, ina walaalkeeye,
* Haatan wuu ogyahay inaan u ahay, wehel adeerkiiye,
* Allahayow wanaag yeel asiyo, wadar Islaamkoodhan,

By: Ahmed Aden Dheel

Comments

Post a Comment

Popular posts from this blog

Gabay amaan Gabar | Abwaan Heersare Dheel (Axmed Heersare)

-
* Gabadhaan habeyn seexadkii, diiday sababkeeda, * Gabadhaan sadkii uga go'ee, siiyay fikirkaygi, * Gabadhaan saqdii dhexe cidlada, socod u guureeyay, , * Gabdhii jacayl saami badan, igu salaamaysay, * Ceeshkina ka soontee wadnuhu, si u garaacaayay, * Waa ina suldaan hooyadeed, laysku soo sigaye, * Sarajoogsigeediyo xibnaha, siman itaalkeeda, * Hablahay la socotaba indhuhu, kuma sifaadaane, * Siduu dayax xiddigo uga sitay, uga sarreysaaye, * Niqaabkaa ka soo daran markay, sare u qaaddaaye * Saanqaadka laafyaha markay, laydha soconayso, * Caraf baa ku saamayn udgoon, miski sidiisiiye, * Waxaa laygu saaqaa markaan, sahal u eegaaye, * Jiriricada saantana dhammaan, xaaddu way i socone * Mana suuxo laabtana cishqigu, waa i solayaaye, * Yaa siman la gaardiya markay, gacanta sayrayso, * Simaneey suleekhoy tufaax, miraha saytuunka, * Saarsaarka canabkee ubuxu, saaqay lagu moodye,  * Saxansaxada roobkee ka timid, sagal daruureedka, * Malab saafi iyo miid ah oo, so...
Sii aqri (Read more) »

Adaan sugin gaddoonkii - Faarax Xuseen Sharmaarke (gabay)

-
Gabaygaan waxaa tiriyay Abwaan Faarax Xuseen Sharmaarke AUN asaga oo u jawaabaya Guuleed Jucfe Samatar AUN kadib markii uu Guuleed tiriyay gabay uu ku maagay Dheel iyo qaar kamid ah walaalihiis ilma Sharmaarke Cilmi.  Waxa la sheegaa Guuleed inuu ahaa Abwaan kibiraani ah oo dadku ay ka baqi jireen maadaama qofkii si qurux badan u marxabayn waaya uu gabay ku maagi jiray. Guuleed ayaa amin galab ah usoo martiyay Dheel Sharmaarke oo gees ka deggan qoysas badan oo ilma Sharmaarke ah. Gogol ayaa loo dhigay. Goortii uu fadhiistay ayaa waxaa yimid qaylo sheegaysa in xoolihii reerka aysan gacan ku jirin oo lala'yahay meeshay jaan iyo cirib dhigeen ilaa saakay. Ma baadi bay u maqan yihiin ma la dhacay mise bahal baa galay oo waxay u qaybsameen wax la cunay iyo wax kala fiigay, lama yaqaanno.  Dheel si halhaleel ah ayuu u istaagay wuxuuna yiri Guuleed soo dhawoow ciddu waa ciddaadi dadna waa joogaan anigu xoolihii baan goobistooda u kici. Guuleed wuxu u arkay inuusan mudnayn in laga aad...
Sii aqri (Read more) »

Maanso Jacay ah (Faa'iso-Fiyoore)

-
Image
▪ Faa'isaay waxaa tahay,  ▪ Fariidadii hablood iyo, ▪ Fool ku qurux wanaag iyo,  ▪ Ubax iyo fiyooree,  ▪ Eegmadaada faraxa leh,  ▪ Ruuxii ku fiirshaba,  ▪ Qalbigaa u faaxoo,  ▪ Waa lagu fahmaystaa,  ▪ Ala maxaan fariidaay,  ▪ Intaan sheeko kuu furin, ▪ Bal inaanan fududaan, ▪ Qaabka wacan u fiirsado, ▪ Qalbigaygu ii faray, ▪ Oo dareenku igu fiday, ▪ Ala maxaan fariidaay,  ▪ La fikiray dartaayoo, ▪ Ka fogaaday ceeshkoo,  ▪ Sidi ruux la falanfalay,  ▪ Fiidkii wareegoo,  ▪ Barxadaha fariistoo, ▪ Maansooyin fara badan,  ▪ Farriin kuugu soo diray,  ▪ Ala maxaan fariidaay, ▪ Fiyaalaha magaaliyo, ▪ Faynuusta layrkiyo,  ▪ Ka fogaaday uunkoo,  ▪ Shimbiraha firxanayiyo,  ▪ Intaan Fiinta wehehshaday, ▪ Geedo hoos fariistoo,  ▪ Farahayga ciidaha, ▪ "Faa'iis" ku qorayoo,  ▪ Sida wehel u fiirsaday,  ▪ Ala maxaa fariidaay,  ▪ Wabiyada fataha iyo, ▪ Hirka ba...
Sii aqri (Read more) »