❇ Kallahada : Dadaal Ardayahow dadaal , Dalkaagii wacnaa iyo , Dadkibaa ku sugayoo , Inaad darajo gaartoo , Naftaadana daryeeshoo , Qarankaaga dahabka ah, Door wayn ka qabataa , Lagaa doonayaayoo , Laguugu soo dadaalaye , Bal dareen u ujeedada , Ku shaqee damiirkana , Ruux ku daahay soo jeed , Inta badan dareen fudud , Kama tooso derintee , Shay darajo wayn iyo , Camal diini mooyee , Adoo door ahaan karo, Waxan ahayn dantaadiyo , Ha ku daahin madadaal , Dhafar yay ku dabamarin , Kallahada dantaada ah, Daakiraadda subaxnimo , Dagdag horay usoo bood , Direeskaaga qaadoo , Diritee hanaankoo , Agabkaaga duuboo , Dugsiyada u qalab xiro, Daahdaah ma fiicnee, Talaabada dafleeyoo, Ha dambaynin waligaa, ...

❇ Adigoo dhamaan daayacoo, seegay danahaagi, ❇ Dibnad dheelka daahdaaha iyo, dibu carruuraynta, ❇ Waa kuu damiir xumo inaad, daawataa filine,  ❇ Dariiqyadu haday qaar xirmaan, Daa'im baa furiye, ❇ Meel adan dareemaynin baa, daah lagaa rogiye, ❇ Ha dulqaadan waayina gefkaa, laga ducaystaaye, ... © Axmad Aadan Dheel (Heersare)

❇ Leedda-fuul marbaad doorbiddaa, lalinta dheerayne, ❇ Laammi-orodka gaariga marbaad, lixda ka baartaaye, ❇ Laylkina marbaad soo guddaa, ladina waydaaye, ❇ Leegleegsi laafyaha marbaad, lugaha doontaaye, ❇ Adoo laashka heli karo marbaad, laacdantaa garabe, ❇ Marbaad ceesh adoo loogan karo, liqidda daysaaye, ...... © Axmad Aadan Dheel (Heersare)

❇ Damaacigu mar buu iga galaa, inaan dalxiisaaye,  ❇ Degelada barwaaqada mar baan, doc u mushaaxaaye,  ❇ Ubaxyada intaan daawadaan, dunida meeraaye,                    ❇ ❇ Xiriirkooda dumar waa dawiyo, dalabka maankay'e,  ❇ Inaan daayo waa shay dihniga, iga dilaayaaye,  ❇ Haasaawe Deeqiyo marbaan, barasho doonaaye,                    ❇ ❇ Duxda hadalka daymada macaan, dabacsanaantooda,  ❇ Dun xariira maan lagu dajiyo, laguna daahayoo,  ❇ Daraadoodna loo dilo naflaha, diriro weeyaane,                    ❇ ❇ Dadkoo idil haweenkaa dhaloo, daliil cad weeyaane,  ❇ Naxariista lagu duugay baa, nagu dumaysaaye,  ❇ Dahab weeye loo baahanyoo, dunida nuurshaaye,                    ❇ ❇ Diyaarado inaan duuliyoo, dafiyo baabuurta,...

Maalin maalmaha kamida ayaa waxan soo booqday reer aanu qaraabo ahayn.  Gabadhii reerka marwadiisa ahayd oo maqli jirtay Axmad Aadan Dheel ayaa gabyo ayaa waxay igu tiri: "Walalow gabayga aderkaa Abwaan Faarax Xuseen Sharmaarke miyaad ka keentay!". Kadib anigoo muujinayo in gabayga an u leeyahay abtir iyo asal ayaa waxan iri: 🔆 Asal baan u leenahay murtida, idil ahaanteene, 🔆 Awowgay labaad waa abwaan, aaqiloo sare'e, 🔆 Sayidkaa inuu ahaa u qiray, aafa samawaade, 🔆 Dheel inuu akhyaar iyo ahaa, deeqsi la amaano, 🔆 Adeer Faarax baa gabay murti leh, kuu aqrinayaaye, 🔆 Aabahayna waa ridan yaqaan, erayo waawayne, 🔆 Anigana Abwaan-Heersare y, igu ismaayaane, 🔆 Asluubtiyo aqoontay arkeen, igu amaaneene, 🔆 Axmad Aadan Dheel baan ahoo, aabi ma aqaane, 🔆 Afar iyo tobnaad baan ahiyo, dayax ilayskiiye, 🔆 Allaa mahad leh aayaha dambana, aaqillaa jiriye,  🔆 Iinshaa Allaahuye ducada, wuu aqbalayaaye,

💫 Inanyahay aqoon kuuma lihi, gabar ahaantaaye, 💫 Intarneedka waan kugu arkaa, ayaamahaygaane, 💫 Asxaabtayda Faysbuuga waan, kugu ogsoonaaye, 💫 Duriyada Awoow-Aadan iyo, walaal Islaamkiiya, 💫 Soomaalida inaad ila tahaan, kuu arkahayaaye , 💫 An is barano maantaba isfahan , uunku wada gaarye , Abwaan : Axmad -heersa re

💫 Haasaawe orod iyo, 💫 Tartan la isu sharad tamay, 💫 Start-kiisa hore iyo, 💫 Afjarkiisa raganimo, 💫 Iyadoon la filanayn, 💫 Aqyaar wada atoora ah, 💫 Maxaan aayar dhaafoo, 💫 Guusha laygu aaminay, 💫 Irdihii shukaansiga, 💫 Inta aan la aqal galin, 💫 Eegmada jacaylkiyo, 💫 Erayada macaan iyo, 💫 Cirka sare uqaadkiyo, 💫 Romantic idilkii, 💫 Anigoo awoodaan, 💫 Alla ka cabsigaygiyo, 💫 Uga joogay diintee, 💫 Miyaad ii ogsoon tahay, 💫 Asluubta iyo sharaftiyo, 💫 Ehelkaaga xididkiyo, 💫 Aaba iyo hooyiyo, 💫 Abti iyo walaal iyo, 💫 Adeer iyo ayeeyiyo, 💫 Eedo iyo habaryaro, 💫 Awoowiyo dhamaantood, 💫 Intay iga mudnaayeen, 💫 Maxaan wada ogsoonoo, 💫 Inya...

*Sharafeey dhanbaal sare,,, *Lagu dheehay xiisoo,,, *Dhadhankiisu wacan yahay,,, *Dheemaneey bal iga hoo,,,  *Sidi ubax dhallaanoo,,, *Ku dhashay barwaaqoo,,, *Ka da'ayso dhadadoo,,, *Wada fidiyay dhagahee,,, *Dhaldhalaalayaa tahay,,, *Dhugashada kalgacalka leh,,, *Dhabankaaga quruxda leh,,, *Indhahaaga dheeha leh,,, *Dhexdaada iyo laafyaha,,, *An lahayn wax dheeliya,,, *Markaad soo dhaqaaqdee,,, *Hadba dhinac u liicdaa,,, *Qalbigu ila dhaqaaqaa,,, *Dheeman saafiyaa tahay,,, *Luulkii la dhoofshee,,, *Qol mugdiya la dhigayee,,, *Ka dhex baxahayaa tahay,,, *Aloow yaa ku dhawrtoo,,, *Dhibka kaa ilaashoo,,, *Dhibcihii xalaashiyo,,, *Dhaqan kula wadaagoo,,, *Dhexdaada isku duuboo,,, *Horaadaha dhexdoodiyo,,, *Kaa shumiyo dhabanada,,, *Indhahaa ku dhowrtoo,,, *Qalbigaa ku dhe...

FG: Xiddigta dhexe waxay kala soocaysaa meerisyada anan isla socon. 🌷 sidii mira tufaax iyo, 🌷 canabka iyo saytuun, 🌷 ama malab si saafiya, 🌷 loo miiray heersare, 🌷 dhadhanka u sarreeyiyo, 🌷 bilicdaad u sidataa, 🌠 Alloow yaa dalxiis iyo,, Kula maro damaashaad,, Kula raaco doon iyo,, Markab aan daboolnayn,, Ama diyaarad sare iyo,, Kula maro daruuraha,, Laangaruusal dadanoo,, Muraayada dallacan iyo,, Kugu daadihiyo Faras,, 🌠 * Inanyahay wax badan baan aqaan, buug ka daabacaye, * Bilicdaada way wacantahoo, baatir baa tahaye, * Hayska beel darayn baan ku iri, bagaad shalaayayne, 🌠 * anunbaa walwalayoo, * wehelkaygi tabayoo, * labadaydi waaxood, * midood la walbahaaree, * ruuxii wax garadaa, * wax qarsoon dareemee, * garaacii wadnaha iyo, * warwarkii qabiga yaa, * waraysiga ka qaadoo, * wacantaan u xiisiyo, * wariyaha usii diro, * dadka hala wadaagee, 🌠 🌠Mcnka erayadaadaa, 🌠Maankayga dhex qaadoo, 🌠Ku milmay jidhkaygoo, 🌠Sidi malabki weeyee, 🌠Mc hadaan...

🌷 Inaan daacad iyo, 🌷 Isu nahay dabiib, 🌷 Dabinadii horaan, 🌷 Diiwaaninee, 🌷 Dalxiis aan mariyo, 🌷 Kama bogan damaashaad, 🌷 Diricdii ka maqan tahay, 🌷 Difaacii jidhkiyoo, 🌷 Ma daawoobin unugyadii, 🌷 Naftu waa daciif, 🌷 Qalbiguna ka daran, 🌷 Lama daaho ruux, 🌷 Fikir bay dawakhay, 🌷 Da'yartii an caashaqay, 🌷 Ubax dillaacay iyo, 🌷 U ekayd daruuraha, 🌷 Dookhaa raacayoo, 🌷 Diiday naftii, 🌷 Dumarkii kalee, 🌷 Dayax soo iftiimoo, 🌷 Daciifiyay xidigihiyo, 🌷 Shamso duhurki joogtiyo, 🌷 Macan dahab la moodyeey, 🌷 Damiirkaagi aaway, 🌷 Dumarka aad la dheerayd, 🌷 Dahniga kama baxayside, 🌷 Farxadaada dunidiyo, 🌷 Damacaaga iska wado, 🌷 Aniguna daraadaa, 🌷 Ha iqaado doonidu, 🌷 Markab aan dagayn iyo, 🌷 Baxar daa'imaan galay, 🌷 Adna maygu daysoo, 🌷 Igu daawanaysaa ?! (A. Heersare )

🌷Ha buux dhaafo jacaylka🌷 💓 Rasuulku waa baraheeni, 💓 Inaan naar ka badbaadno, 💓 Baxareeyay Naftiisoo, 💓 Dhiigiisa babaaxshoo, 💓 Buuralayda u jiiroo, 💓 Baadariinta u laayiyo, 💓 Kuwa beeniyay diintee, 💓 Ha buuxdhaafo jacaylka, 💓 Ad u hayso bashiirka, 💓 Marna waa bini aadam, 💓 Bashar weeye wanaagsane, 💓 Boqor wayne xaqiisiyo, 💓 Ha u bootin cibaado, 💓 Hana baylihin tiisoo, 💓 Ha buuxdhaafo jacaylka, 💓 Ad u hayso bashiirka, 💓 Hadii aad u basaastoo, 💓 Beerkiyo wadnahaagu, 💓 U bukootay xabiibka, 💓 Bishaarayso miciisaad, 💓 Berritoole ahaanoo, 💓 Adigaa ku bulaaliye, 💓 Ha buuxdhaafo jacaylka, 💓 Ad u hayso bashiirka, 💓 Badiyoo saligiisa, 💓 ...

Group-ka kaftanka, War bal kaa layaay, Muxuu yahay kadeedkaan! Ma kob lagu caweyoo, Qabow iyo kulayl iyo, Koobab shaah cadays iyo, Kafeegiyo bigayskiyo, Kobashiinku yaaloo, Koolalka iyo sheekada, Layska koobiyaayoo, Kurbadiyo wareekaba, Kolkaa lagu ilaawaa, Ma kob loo dalxiisoo, Loo kala ordaayoo, Kaydadkii qadiimiga, Iyo kuwa kaloo wacan, Kansigoodu yaalaa, Ma kob lagu dagaaloo, Kaarihiyo suugiyo, Kiimikada la qooshiyo, Kanooniga wax laayiyo, Sunta ilinta keentaba, Laysku kaarahaayoo, Loo xiisaa kurgooyada, Ma kob lagu kurboodoo, Kuraydii ibliiskiyo, Kuwo aan xishoon iyo, Kalaabyada la aadoo, Hadal kiisa ugu daran, Lagu wada kalaamaa, Mise meel kartida iyo, Kumbuyuutaraadkiyo, Kooxaha wax barashada, Laysugu kalkaaloo, Kaalimaha ab...

This blog belongs to me, Ahmed Dhell, a Somali young poet. The things I post here may include: 1) Islamic religion 2) Somali culture 3) Poems in somali and maybe other languages 4) Love and Historical events.

🌷Markay ku arkaan indhuhu, 🌷Eegmada kaama weeciyaan, 🌷Afkuna erayada kalgacal, 🌷Waxan ahayn kuma ortee, 🌷Oraahdaaday dhaguhu, 🌷U xiisaan had iyo jeer, 🌷Intaad iga maqantuhuu, 🌷Qalbigu i ilmaynayaa, 🌷Oonkaa iga bixi lahaa, 🌷Hadaan aqal kula galee, 🌷Hadaad ubad ii dhashana, 🌷Nimcaan ku ildoogsan laa, 🌷Aduun waa ayaan quroo, 🌷Eebbaa loo laabaniye, 🌷Allow yaad aakhirana, 🌷U noqotaa xawralcayn, By: Ahmed Dhell (Ahmed Aden Dheel)

√ - Ku beer laxawso kan Hadii lagugu adkeeyay. * Maxaan aragaaga raadshoo.. * Anoo ugu xiisay saa'id... * Intaan aqalkiina booqday... * Maxaan adigana ku waayay... * Adoo naxariis ku dheehan... * Maxaan indhahaaga nuurka leh... * Inaad igu eegto doonay... * Sidii ubax Beer kuyaaloo... * Ku baxay sana aaran rooboo... * Ilayska aroornimiyo... * Iftiino la dhigay hortayda... * Maxaan eegmadaada wacan... * Indhaha kaa leexin waayay... * Anoo aragaaga waayay... * Qalbigu i abaarsadoo... * Oraahdaadana u xiisay... * Kulaylaha aadka iyo... * Howshayaydi intaan ilaaway... * Maxaan orod soo taxaabay... * Anoo kuusoo ordoo... * Harraad iyo daal i helay... * Intay aragaaga wacan... * Indhahaygu ku doogsadeen... * Anoo oonkii kalgacalkiyo... * Tacaabadi wali i daynin... * Amaba aan la ii ogayn... * Maxan aamuskii la laabtoo... * Qalbigu hoos ii ilmeeyay... * Erayada ugu toosan iyo... * Maxaan ubaxyada jacayl... * In badan kuusoo diyaarshoo... * Anoon wali kuu h...

Walaalkaa da' kaa wayni waa, daraja waayeele, Canaantiisu waa daacadnimo, jecel dantaadiiye, Dariiq toosan buu kula rabaa, inaad ku duushaaye, Farxad buu markaad daa'imtana, kugu daweeyaaye, Shisheeyahaa kusii dilo hadaad, jeer u dagataaye, Bini Aadam waa wada daciif, diinka lagu sheegye, Caalimkuba asoon dacatin buu, yara ilduufaaye, Dadka ugu dhow baa saxo haday, garan daliilkiiye, Akhlaaqdaydu waa dahab hadaan, lays dafirahaye, Layskuma digtee samafalkaa, lagu dadaalaaye, Sagoonsiisku diiwaanka xeer, laguma diidayne, Dagdagsiinyo waan maaganaa, iyo dadaalkeede, Dhalin dabin iswaydaa taqaan, sheeko daah badane, Dib u dhaca waxaa keenayaa, doogta xiisahaye, Dayaxuba marbuu kugu dhacaa, adoon dareemayne, Sodoh inamo door wacan dhashoo, diirran baa tahaye, Dulmi kuguma ogi iyo inaad, dabin maleegtaaye, Dadka kuwaan u jecelaa tahoo, anan darraabayne, ...

Simaneey walal sharaf , Sahal maaha damacuye , Waa sida biyaha oo , Adigoo socdaal dheer , Soo maray dhul buurale , Saadna aanan wadan iyo , Oonkoo ku saaqiyo , Saxansaxada roobkoo , Sanka aad la raacdoo , Xareediina soo dhicin , Sugitaanku kugu adag , Aniguna sidaasaan , Simaney ku suganoo , Sawirkaaga oo qura , Saami baan ku bixin laha , Simaneey walal sharaf , Tilmaantaada sugan iyo , Qoraalkaada suubani , Saafi baan u helayoo , Sumcad baad ku leedahay , Simaneey agtaydee , Waa hadal an sugayoo , Saaka igula wacanoo , Aanan kuu sarbeebine , Sawirkaaga ii dhiib , Sidii ubax an daawado , Marna aan si sharafliyo , U xafido si qaaliya , Walaal suuban baa tahay , Marna ruux i saaqoo , Soo jiitay damacoo , ...

💐Allow yaa firaaqiyo, 💐Haasaawe feejigan, 💐Farxad kula wadaagoo, 💐Farriimaha ka maarmoo, 💐Fool kafool si caadi ah, 💐Marna kula fariistoo, 💐Indhagaaga fiirsado, By: Ahmed Dhell

⭐ Simaneey is fahankiyo, ⭐ Aqli iyo wax garadnimo, ⭐ Soo dhawayn tan ugu wacan, ⭐ Adigaa abaal marin, ⭐ Ku mutaystay amin qura, ⭐ Sidi ubaxa geedaha, ⭐ Ayaamaha barwaaqada, ⭐ ilayskii cadceedoo, ⭐ Kulayl aanan lagu arag, ⭐ Neecowda uduga leh, ⭐ Amin roobku noo da'ay, ⭐ Shimbiraha amaantiyo, ⭐ Heesaha is dhaafsaday, ⭐ illimaha xareediyo, ⭐ Arladuna cagaarkii, ⭐ Hirka agabka doogiyo, ⭐ Nimca lagu ildoogsado, ⭐ Nuxurkii ku idilyahay, ⭐ Allow yaa dalxiis wacan, ⭐ Kula maro aduunkoo, ⭐ Maraakiib ammaanliyo, ⭐ Geenyo aad la fuushaa, ⭐ Hadba erayo qaaliya, ⭐ Eegmada kalgacalka leh, ⭐ Asluub kula wadaagoo, ⭐ Aragaaga daawado, By: Ah ...

* Hadaan qalinka maansada dhigeen, dhaafo curinteeda, * Orgi dhaana bay ila hor mari, koley dhigeeyeene, * Hadii dhidirka Aar lagu fasiro, dhiigu waykiciye, * An iraahdo dhowr eray murtiyi, dhaxal gal weeyaane, * Sarbeebaha wax laga dheehdo waa, dheeman iyo luule, * Ruuxii dhalaalshaa xigmado, wayn ka dhaliyaaye, * Dhagahadal rag kuma samo markii, lagu dhibaayaaye, * Xanta waa ku kala dhimanayaa, aan dhab loo furine, * Raganimada layskama dhacee, dhalasho weeyaane, * Dhihidiyo kuraajada kuwaan, dhab u abaaraynin, * Dhabarkay ka nuunaasayaan, sidi dhalaankiiye, * Waxba haw dhagdhigin dhaqan bulshiyo, dhuuxa may garane, * Dhalyo waa balaayee qofaad, dhaxan u diidayso, * Oo xiriirintiisii dhul badan, dhagax u jiirayso, * Adoo dhididka kaa baxay dharkii, kugu dhacaamaayo, * Haduu kugu dhaweeyaa xumaan, qoomamaa dhiciye, * Firaqdiyo dhariiqooyinkii, dhaa...

Waxaa loo tiriyay asxaabtayda ehelka ah oo door wayn ka qaatay sharfidda iyo soo dhawaynta. Waxa kamid ah: Cabdi Khaliif (Ugaaska), Aadan C/Samad, iyo Cabdirisaaq Kalli. Geesiyaasha caanka ah tolkay, gabanadoodii dheh, Geerida kuwaan kala jeclayn, guluf colaadeed dheh, Kuwaan gaajadiyo oonku karin, geedi socodkii dheh, Hadaan waayo kala gaabinoo, galabki soo booqdo, Gogol sharaf ayay ii fidshaan, igu gashiimaane, Gudcurkii markay tahay hadaan, dib u gadoon maago, Kuwa guure igu gaynayeen, daal goconahayn dheh, Gayigooda waa lagu yaqaan, geenyadii dumare, Damaacigu haduu iga galeen, gabal dhac soo aado, Waxaan talo gorfayniyo xasuus, galayo suugaanta, Gayrada markay soo dhacdeen , diro gamaantaydi , Waxay ii go'aanshaan inay , guri i seexshaane , Markaan laygu tala galin xishood , yaa i galayaaye , Waa inaan u gooyaa hadaan , gudayo laykii dheh , Hadaan howlo culus galahayaa , ama guhaadoodo , Garabgayga weeyoo marnaba , igama goostaane ,...

* Mu'miniin la kala dilahayaan isu dumaynaaye, * Muxdathaadka soo darinayaan, uga diigaynaaye, * Isku duubni baan doonaynaa, inaan u duulnaaye, * Diinteena cadowgeedu waa, doorawaynaha e, * Naga daaya doodiyo waxaad, isku dilaysaan, — Abwaan Heersare 

* Salafkii hadii lagugu diray, iyo suluugoodi, * Hadii aad su'aashii baryada, siisay bini aadam, * Adigaa sifaadkiyo inkiray, sunanti qaarkeede, * Adaa saalix waa hore dhintiyo, simay ilaahiiye, * Simbiriirixaa kugu dhacdaye, toobada ha seegin,

🌠 Samadaan inoo muuqatee, nalagu saanqaafay, 🌠 Haduu oonku nagu saaqo roob, nalaka siinaayo, 🌠 Ee la suray siraajkiyo dayaxa, xidigahaa suuban, 🌠 Arladaan sariirta ah hadana, sina an diidaynin, 🌠 Beerahaan jannada lagu sugana, lagu samaynaayo, 🌠 Ee lagu socdee lagu sukuno, saraha baacdheer le, 🌠 Ilaahii na siiyee nafaha, simay dhamaantooda, 🌠 Shay walbana sameeyee mar qura, soo xashrini doono, 🌠 Samad weeye Rabigeenu waa, Sayidka deeqtoone, 🌠 Si kastoo awood lagu sidkoo, lagu dul seeteeyo, 🌠 Ama xeelad sare loo maroo, lagu siyaaseeyo, 🌠 Socon mayso hawshii gaftaa, wayne suu dhigaye, 🌠 Amuuruhu siduu doonayay, sahal ahaadaane, 🌠 Samad weeye Rabigeenu waa, Sayidka deeqtoone, 🌠 Maqalkiisu waa saafi aan, jabaqi seegayne, 🌠 Quraanjada saqdii dhexe mugdiga, sallaxa luudayso, &#127776...

* Gabadhaan habeyn seexadkii, diiday sababkeeda, * Gabadhaan sadkii uga go'ee, siiyay fikirkaygi, * Gabadhaan saqdii dhexe cidlada, socod u guureeyay, , * Gabdhii jacayl saami badan, igu salaamaysay, * Ceeshkina ka soontee wadnuhu, si u garaacaayay, * Waa ina suldaan hooyadeed, laysku soo sigaye, * Sarajoogsigeediyo xibnaha, siman itaalkeeda, * Hablahay la socotaba indhuhu, kuma sifaadaane, * Siduu dayax xiddigo uga sitay, uga sarreysaaye, * Niqaabkaa ka soo daran markay, sare u qaaddaaye * Saanqaadka laafyaha markay, laydha soconayso, * Caraf baa ku saamayn udgoon, miski sidiisiiye, * Waxaa laygu saaqaa markaan, sahal u eegaaye, * Jiriricada saantana dhammaan, xaaddu way i socone * Mana suuxo laabtana cishqigu, waa i solayaaye, * Yaa siman la gaardiya markay, gacanta sayrayso, * Simaneey suleekhoy tufaax, miraha saytuunka, * Saarsaarka canabkee ubuxu, saaqay lagu moodye,  * Saxansaxada roobkee ka timid, sagal daruureedka, * Malab saafi iyo miid ah oo, so...

* Wawga gabayga wegenkii fardaha , orodka waalaayo , * Niyugleerka kaaraha is waro , waramo duulaayo , * Tolka weerar kuma waabsadee , waan u wariyaaye , * Anigoon is waalaynin baan , waano galiyaaye , * Waxtarka iyo garasha dadnimo , ehel wanaagayga , * Wacdigiyo waciidkii Rabigay , wadar adeecayga , * Waa nicmada Ilaah igu waxdoo , waa ku mahadshaaye , * Qaar buu widaaygoodu yahay , koox dan wadataaye , * Nin wareersanoon rabin daliil , waligi mooyaane , * Muslimiintu waa ii walaal , wacad Ilaaheeye , * Xaajada wareertiyo hadaan , galayo waanwaanta , * Uma eexdo kaan waa bartiyo , wiilka hooyadaye , * Ikhlaas baa ku wacan shay waliba , waan ogsoonahaye , * Jahligaa wareer badan hadaad , waysar garanayne , * Waddadii Rasuulkiyo cilmiga , warathadii diinta , * Waadiyada aqoontaan maqaam , wayn ku...

Removed/la tiray

Gabaygaan waxaan u tiriyay wadaad xeroow ah oo inta teleefoon igu soo wacay aayado qur'aan ah iyo axaadiis ku bilowday hadalkiisa isagoo u cuskanayo in uu aniga igu caayo isla markaana mowdicoodii ka leexiyay. Wuxuu ahaa nin jecel in uu cambaareeyo cidii aan dhariiqo diimeedkiisa taabacsanayn sidoo kalena cod kasoo duubo si qayaano ah iyaga oo aan diyaarsanayn intuu wicitaan ku weeraro. Ma ahayn markii ugu horeysay, ee hortay dadka uu sidaa ugu xadgudbay waxaa kamid ahaa adeerkiisa oo uu si xun u qayaanay codkiisana ka duubay ogolaansho la'aan. Wuxuuna kalsooni iyo amaan uga helay arintaas xertiisa ay isku dariiqada ahaayeen. Waxaa cajiib ah in gaalada intooda badan xitaa ay ka xishoodaan in fasax la'aan qof la duubto maqalkiisa ama muuqaalkiisa oo waa ay ka codsadaan inta aysan ka duubanin. Hadaba qof muslim ah soo ceeb wayn kuma aha qiyaanada noocan oo kale ah, misane culumonimo sheeganayo! Hadaladuu iila yimid ee an kafiirsiga lahayn waxaa kamid ahaa in uu igu soo e...

          * DARDAARAN * ⭐ Dabin aakhir weeyoo , ⭐ Dunidii wareertoo , ⭐ Dulmigii siyaadyoo , ⭐ Waxaa laysku dilayaa , ⭐ Dariiqayga soo raac , ⭐ Hadaa tahay qof daacada , ⭐ Dano gaara aan wadan , ⭐ Jecel diinta Eebahay , ⭐ Xusbiyana difaacayn , ⭐ Waan kuu dardaarmiye , ⭐ Bal ku diirso waanada , ⭐ Xaqa waa la doonaa , ⭐ Diinta waa la dhowraa , ⭐ Dariiqii Rasuulkana , ⭐ Aad baa loo daneeyaa , ⭐ Daa'imkii na uumaa , ⭐ Dige nooga yeeloo , ⭐ Sharaf buu lasoo diray , ⭐ Wuxuu daaya leeyahay , ⭐ Ama nooga digayana , ⭐ Daliilkii Qur'aankiyo , ⭐ Waxyigii kusoo dagay , ⭐ Ayuu nooga daalacay , ⭐ Wax kaloo la doonoo , ⭐ Daliil dhaba an loo hayn , ⭐ Shaki iyo dunuub iyo , ⭐ Dood kama dhamaadaa...